旺角街頭表演天降玻璃樽 險擊中群眾

　　一名青年事後於社交平台Threads以發文，指前晚在港鐵旺角站E1出口文華商場對開進行街頭表演(busking)，期間有一個玻璃樽從高處墮下，跌落觀眾/途人群眾旁邊，玻璃碎片四濺，「當時我坐距離三米左右，身邊全是玻璃碎」。樓主擔心「真係唔知會唔會下次掉鏹水」，所以當下選擇報警備案。

　　樓主慨嘆「想講香港busking好難，當然有人鍾意、有人唔鍾意，唔鍾意可以報警，如果要私了可以搵我，但掉到一啲無辜嘅人就好過分!」樓主又指，「後生仔只係假期玩個音樂，街邊啲紅綠燈車聲人聲都大聲我哋好多，或者咁講住得旺角預咗，好似住台北西門町都預咗嘅一樣」。

　　警方表示，前晚接獲一名27歲男子報案，指在旺角文華商場對開唱歌，其間有人從高處擲下一個500毫升的玻璃樽，跌落行人道路上，玻璃碎片四散，無途人被擊中。警方到場封鎖10米乘10米的範圍，又到附近樓宇調查，但未有發現，案件列作「高空擲物」處理，交由旺角警區刑事調查隊第4隊跟進。